नेपालको १ नम्बर प्रदेशको १४  जिल्ला मध्ये खोटाङ जिल्ला एक हो ।यस जिल्लाको पूर्वमा भोजपूर पश्चिममा ओखलढुंङ्गा उत्तरमा सोलुखुम्बु  र दक्षिणमा उदयपुर जिल्लाहरु पर्दछन्।लेक र बेसि युक्त पहाडै पहाड भएको जिल्ला हो खोटाङ।

२७° १७' उत्तर र ८६°४३' पूर्व मा रहेको रावा बेसी गाउँपालिका खोटाङ जिल्ला अन्तर्गतको एक गाउँपालिका हो। खोटाङ जिल्लाको सदरमुकाम दिक्तेलबाट ८ कोशको दुरीमा रहेको यस गाउँपालिकाको साबिक ६ वटा गाउँ बिकास समितिहरु कुभिन्डे ,खार्पा,हौचुर,लामिडाँडा,दुबेकोल र डुम्रेधारापानी मिलेर बनेको हो।यस गाउँपालिकाको चार किल्ला सिमाना हेर्दा  पूर्वमा रुपाकोट माझुवागढी नगरपालिका पश्चिममा  ओखलढुंगा जिल्ला उतर तर्फ ऐसेलुखर्क गाउँपालिका र दक्षिण तर्फ रुपाकोट माझुवागढी  र हलेसी तुवाचुंग नगरपालिका  पर्दछ।

यो  गाउँपालिकाको क्षेत्रफल ९७.४४ वर्ग  कि. मि  रहेको छ भने कुल जनसंख्या १३ हजार ३ सय ६९ रहेको छ। हाल ६  वटा वडाहरुमा बिभाजन गरिएको यस  गाउँपालिकाको कार्यालय हरमटार ,कुभिन्डे,खोटाङमा अवस्थीत छ ।